Í nógu að snúast

Já það er sko nóg að gera hjá manni þegar maður er svona nýbökuð móðir. Það eru labbitúrar, heimilisstörfin, mömmuhittingur, baka, taka á móti gestum, fara í heimsóknir og svo þess á milli er ég með Dagbjörtu hangandi á spena :) Hrafn er búinn að vera rosa dugegur að vinna svo að við mæðgur pössu m okkur bara að hafa nóg fyrir stafni svo að okkur leiðist ekki. Það fer rosa vel um okkur í Skútagilinu en maður hefur einhvern veginn ekki enn komið sér almennilega fyrir, það vantar enn allt á veggina og svona svo að það er hálf stofnanalegt.. en samt kósý, ég er bara að reyna að fá tilfinninguna fyrir því hvar hlutirnir eiga að vera.

En núna er versló og ekki er maður hauslaus niðrí í bæ þessa helgina frekar en síðustu 9 mánuði, en það er bara alveg ágætt. Nóg annað að gera og tala nú ekki um þar sem að allir vinir manns eru nú komnir með familíu og svona.. í gær var bara hópferð í bæinn, Gudda og co, Dóra og co og Elma og co og við fórum bara í tivolí og svona sem var hreinasta snilld, merkilegt hvað það er alltaf gaman. Svo var bara grill og buzz hjá Elmu og co. Í dag er svo hugmyndin að skella sér í Grundardal, veðrið er ekkert til að hrópa húrra fyrir en það þarf ekki að skemma fyrir svo að við sjáum hvað mannskapurinn ákveður að gera :)

Annars erum við mæðgur að fara að skella okkur til Færeyja 14. ágúst með mömmu og ömmu, þar verða fjórir ættliðir á ferð og skylst mér að ættmennin sláist um að hýsa okkur, þetta er pennandi samsetning og spennandi að sjá hvernig þetta ferðalag fer :) Ég er allavega búin að finna eina búð sem ég ætla að fara í og skoða einn stein sem ég sá síðast þegar ég var 6 ára og svo má guð vita hvað okkur dettur í hug að brasa... en þið fáið fréttir af því síðar.

En ég segi bara over'n out og hafið það gott hvar sem þið eruð og hvað sem þið eruð að gera :)

Kveðjur úr Skútagilinu

Dugnaðurinn ekkert að drepa mig

Það er ekki eins og ég hafi ekkert að gera þessa dagana og einhvern veginn nenni ég ekki að eyða "frítímanum" mínum í að blogga... allavega ekki á þessari siðu þar sem að ég eyði nú frekar tíma mínum í síðuna hennar Dagbjartar. Ég og Elma erum voða duglegar að labba þessa dagana og varla hægt að segja að við sleppum úr degi, fengum okkur vænan göngutur í dag og enduðum í bænum þar sem ég náði að eyða smá peningum og það er alltaf jafn auðvelt og gaman :) Hrafn er búinn að vera að vinna tvo síðustu daga svo að við mæðgur höfum bara verið að æfa okkur undir það að hann fari að vinna í september en það verður gaman að sjá hvernig gengur að púsla þessu saman, hann að vinna og ég í skóla. Við hljótum að fara létt með það fyrst margir aðrir geta það, það er allavega óhætt að segja að það er eftir að koma sér vel að eiga góða að.

Ég er að fara til Palla ljósmyndara á morgun með dömuna og verður spennandi að sjá hvernig það gengur... mun hún kúka á mömmu sína í miðri myndatöku eða hvað... spennandi!!

En þar til næst lömbin mín, hafið það gott í sólinni og vonandi fylgist þið með prinsessunni vaxa og dafna :)

Kv. Sigrún í sælulandi

Síðan loksins til

Síðan hennar Dagbjartar er loksins tilbúin :) vei fyrir okkur, já ég sagði okkur því að ég tók sko þátt í gerð hennar líka. Það er eftir að bæta ýmislegu við síðuna og ég þarf að setja inn fleiri yndir en þær munu pottþétt koma inn seinni partinn. Var bara að læra á þetta dót í gærkvöldi og þess vegna er bara komið eitt albúm...

En anyways síðan er

www.dagbjortros.info

Það er algjör skylda að skrifa í gestabókina og svona, gaman að sjá hverjir kíkja í heimsókn!! Ef þið viljið fá lykilorð inn á myndir þá bara senda mér sms eða e-mail á sigrun82@hotmail.com

En núna er ég farin út í labbitúr með Elmu og Gumma litla

Kv. Sigrún, Hrafn og Dagbjört Rós

Lítill Gimsteinn

Já í dag fékk Elmusonur nafn og var hann svo heppinn að vera skýrður í höfuðið á báðum öfum sínum.. Guðmundur Steinn. Ég sagði við Elmu að það væri nú gaman að eiga svona lítinn Gumma en þar sem afi hans er víst kallaður Gimmi þá mun það sennilega loða við hann svo að hann er algjör Gimsteinn.. ekki slæmt það :)
Við óskum familíunni til hamingju með nýjasta meðliminn og nafnið hans

Annars er allt gott að frétta hér, Dagbjört Rós er voða þæg og góð, drekkur eins og herforingi og sefur og kúkar þess á milli hehe

Síðan hennar er alveg að verða tilbúin og í þetta sinn er það alveg satt, linkurinn verður tilkynntur í þessari viku. Þið verðið bara að sýna smá þolinmæði, hann Hrafn er búinn að vinna baki brotnu að því að koma henni í gagnið en þar sem hann er að kaupa urlið að utan þá er búið að vera e-ð voða vesen með það og hann búinn að vera í stöðugu e-mail sambandi við þá til að láta laga það. Svo að það er ekki sökum aðgerðarleysis sem síðan er ekki klár.. OK :)

Nú ætla ég að halda áfram að vinna í síðunni, maður verður nú að taka þátt í þessu..

Veriði bless fallega fólk og ef þú ert ekki búin/búinn að koma í heimsókn.. hvernig væri þá að fara að kíkja??

Myndirnar loksins komnar

Þá er ég búin að setja inn myndir af prinsessunni fyrir ykkur forvitna og áhugasama fólk. Gudda mín ég biðst afsökunar á tímanum sem þetta tók :)

Hér í skútagilinu er lífið voðalega rólegt, allir enn að aðlagast en það gengur bara vel. Dagbjört fór í 5 daga skoðun á þriðjudaginn og hún var nú svolítið gul svo að við vorum send með hana í blóðprufu. Það er greinilegt að það er einhver þoka í hausnum á mér því að ég, tölur og staðsetningar eigum alls ekki saman þessa dagana. Hjúkkan sem tók prufuna nefndi einhverja tölu og ég sló því á fast við Hrólf barnalækni að hún hefði sagt 380. Það er víst frekar hátt og er miðað við 350, við fengum því herbergi og skvísan fékk að fara í svona ljósakassa. Seinna um daginn kom svo Hrólfur og sagði að þetta hefði ekki verið alveg svona "slæmt".. þá var talan bara 310 hehe. En hann sagði að það væri allt í lagi því hann heði sjálfsagt sett hana samt í kassann :) svo að allt er gott sem endar vel, Dagbjört er rosa hress og drekkur eins og herforingi :)


Það fór voðalega vel um hana í kassanum
Kveðjur úr Skútagilinu

Dagbjört Rós

Já stúlkan hefur fengið nafn..

Dagbjört Rós

Við ákváðum að nefna hana þar sem það er ekki enn ákveðið hvenær hún verður skírð og svo erum við líka bara svo spennt að segja frá fallega nafninu hennar

Hún fæddist 21. júní og þann dag voru sumarsólstöður, en það er lengsti dagur ársins

Dagbjört merkir björt sem dagur

Rós er svo í höfuðið á mömmu en hún heitir eins og flestir vita Sigurrós

Dagbjört Rós, sumarlegt og fallegt fyrir litlu skvísuna okkar


Kveðja úr Skútagilinu
Sigrún, Hrafn og Dagbjört Rós

Fædd lítil prinsessa

Í gær klukkan 8:47 fæddist lítil stúlka.. eða kannski ekkert voðalega lítil, hún var 3755 gr eða 15 merkur og 51 cm, alveg eins og pabbi sinn þegar hann fæddist :)

Ég vaknaði um nóttina rétt fyrir 4 og missti þá sennilega hluta af vatninu, var komin uppeftir kl 5:30 með 6 í útvíkkun og prinsessan komin kl 8:47, svo að þetta tók ekki langan tíma
Langra ætla ég þó ekki að hafa þetta núna, er farin að sinna dóttur minni (skrítið hehe ég er mamma) læt hér nokkrar myndir fyrir ykkur sem eruð orðin spennt að sjá :D

Alveg glaðvakandi að skoða heiminn..
Að lulla hjá pabba sínum i dag
Búin að koma henni i heimferðargallann og hun var sko ekki hrifin af því ;)
Rosalega falleg og flott í fínu fötunum frá ömmu Rósu
Kveðja úr sælunni í Skútagilinu :D